मुंबई: मुंबईतील लोकमान्य टिळक टर्मिनस येथे शनिवारी मध्यरात्री एक अत्यंत धक्कादायक घटना उघडकीस आली आहे. रेल्वेतील सफाई कर्मचाऱ्यांनी कुशीनगर एक्सप्रेस (गाडी क्रमांक २२५३७) च्या बी-२ एसी डब्यात सफाई करत असताना एका डस्टबिनमध्ये सुमारे ७-८ वर्षांच्या मुलीचा मृतदेह आढळला. या घटनेने एकच खळबळ उडाली आहे.
रेल्वेतील सफाई कर्मचाऱ्यांनी पहाटे १ वाजण्याच्या सुमारास हा मृतदेह पाहिल्यानंतर त्यांनी तात्काळ रेल्वे आणि पोलीस प्रशासनाला माहिती दिली. त्यानंतर पहाटे १:५० वाजता पोलीस आणि रेल्वे अधिकारी घटनास्थळी दाखल झाले. या घटनेनंतर पोलिसांनी तात्काळ तपास सुरू केला आहे.
मिळालेल्या माहितीनुसार, कुशीनगर एक्सप्रेस ही नंतर काशी एक्सप्रेस (गाडी क्रमांक १५०१७) म्हणून पुढे रवाना होणार होती. या घटनेमुळे रेल्वे प्रवाशांच्या सुरक्षिततेवर पुन्हा एकदा प्रश्नचिन्ह निर्माण झाले आहे. सध्या या प्रकरणाचा पुढील तपास सुरू असून, पोलीस या मुलीची ओळख पटवण्याचा प्रयत्न करत आहेत.
पुढील तपासात या मुलीचा मृत्यू कसा झाला आणि ती डस्टबिनमध्ये कशी पोहोचली, याचा शोध घेतला जाईल. या घटनेमुळे संपूर्ण शहरात खळबळ उडाली असून, नागरिकांनी पोलिसांना या प्रकरणाचा लवकरात लवकर उलगडा करण्याची मागणी केली आहे.
Follow Us On
Instagram :
https://www.instagram.com/policernews
X Account :
Read Also
राजकीय खळबळ: उदय सामंत आणि शरद पवारांची भेट
