पुणे मेट्रोने जुलै २०२५ मध्ये नवा उच्चांक गाठला आहे. पुणे मेट्रोने या महिन्यात तब्बल ९.०९ कोटी रुपयांचा महसूल मिळवला, तसेच ५७.६० लाख प्रवाशी सेवांचा लाभ घेतल्याची नोंद झाली. हे आतापर्यंतचे सर्वात जास्त मासिक आकडे आहेत. यामध्ये पीसीएमसी ते स्वारगेट (पर्पल लाईन) ने ४.०९ कोटी महसूल व २५.०४ लाख प्रवासी, तर रामवाडी ते वनाज वर ५.०१ कोटी कमाई आणि ३२.५५ लाख प्रवासी प्रवासाला निघाले.
पुणेतील प्रवाशांनी पावसाळ्यात, वाहतूक कोंडी आणि PMPML बससेवेच्या कठीण अडचणींमुळे, पुणे मेट्रोला अधिक पसंती दिल्याचे स्पष्ट दिसते. PMPMLची सेवा मर्यादित व जुनी असल्याने, अस्वच्छ बस, वाढलेले तिकीट दर, वारंवार इलेक्ट्रॉनिक साहित्य चोरी, साठलेली गर्दी व तासन्तास विलंब या अनेक कारणांनी प्रवाशांनी नाराजी केली आहे.
हिंजवडीचे रहिवासी महेश देशमुख यांनी म्हटले, “गर्दीत मोबाईल चोरीच्या घटना वाढल्या आहेत. दोन वेळा मोबाइल हरवला असून बसमध्ये सीसीटीव्ही कॅमेरे बसवण्याचे आश्वासन अजूनही पूर्ण झालेले नाही.”
हडपसरचे ज्येष्ठ प्रवासी सुरेश भुजबळ म्हणाले, “पावसात बसथांब्यांवर छत्राची व्यवस्था नाही. बसगाड्या वेळेवर नाहीत, अत्यंत गर्दी असून, कर्मचारी उद्धट असतात. आम्हाला ही परिस्थिती सहन करावी लागते.”
पल्लवी जाधव यांनी सांगितले, “दैनिक १,७०० हून अधिक PMPML बस चालतात, पण ४,५०० पैकी फक्त १,६५० बसथांब्यांना छत्र आहे. अनेक मार्गांवरील फेऱ्या अनियमित किंवा उशिरा असतात. रोजच्या मजुरीसाठी बाहेर पडणारे सामान्य प्रवासी आता मेट्रोला प्राधान्य देत आहेत. तिकीट दराच्या वाढीमुळे व बसमधील अस्वलतेमुळे मेट्रो हाच सुटकेचा मार्ग वाटतो.”
Follow Us On
Instagram :
https://www.instagram.com/policernews
X Account :
Read Also
पुणे वाहतूक कोंडी करिता राष्ट्रीय महामार्ग रुंदीकरणावर केंद्राकडे विनंती
