भारतीय ऑटोमोबाईल उद्योगातील नामांकित व्यक्तिमत्व आणि सोना कॉमस्टारचे चेअरमन सुंजय कपूर यांचे इंग्लंडमध्ये पोलो सामन्यादरम्यान अचानक निधन झाले. ते वयाच्या ५३ व्या वर्षी हृदयविकाराच्या झटक्याने काळाच्या पडद्याआड गेले. या दुःखद घटनेमुळे उद्योग, क्रीडा आणि बॉलिवूड क्षेत्रात शोककळा पसरली आहे.
संजय कपूर अपघाती मृत्यूमागील कारण – मधमाशी गिळल्याची शक्यता
मिळालेल्या प्राथमिक माहितीनुसार, पोलो सामन्यादरम्यान सुंजय कपूर यांनी चुकून मधमाशी गिळली आणि त्यानंतर त्यांना गंभीर हृदयविकाराचा झटका आला. प्रसिद्ध व्यवसाय सल्लागार सुहेल सेठ यांनी ही माहिती ANI या वृत्तसंस्थेला दिली. त्यांनी आपल्या X (पूर्वीचे ट्विटर) हँडलवर लिहिले, “@sunjaykapur यांच्या निधनाने मी अत्यंत दुःखी आहे. आज इंग्लंडमध्ये त्यांचे निधन झाले. त्यांच्या कुटुंबीयांना आणि सहकाऱ्यांना माझ्या संवेदना”.
संजय कपूर यांना मधमाशीच्या दंशामुळे हृदयविकाराचा झटका?
या घटनेनंतर सोशल मीडियावर आणि वैद्यकीय वर्तुळात चर्चा सुरू झाली की, मधमाशीचा दंश किंवा गिळल्याने हृदयविकाराचा झटका येऊ शकतो का? तज्ज्ञांच्या मते, सामान्यतः मधमाशीचा दंश थेट हृदयविकाराचा झटका देत नाही. मात्र, काही लोकांना तीव्र अॅलर्जिक प्रतिक्रिया (Anaphylaxis) येऊ शकते, विशेषतः दंश घशात किंवा श्वासनलिकेत झाल्यास. अशा वेळी श्वास घेण्यास अडचण, रक्तदाबात घट आणि हृदयविकाराचा झटका येण्याची शक्यता वाढते.
सुंजय कपूर – एक झपाटलेला उद्योजक आणि पोलोप्रेमी
सुंजय कपूर हे सोना कॉमस्टार या जागतिक ऑटो कंपोनंट कंपनीचे चेअरमन होते. त्यांनी ऑटोमोटिव्ह कंपोनंट मॅन्युफॅक्चरर्स असोसिएशन ऑफ इंडियाचे (ACMA) अध्यक्ष म्हणूनही काम पाहिले. ते CII या उद्योग संघटनेच्या मॅन्युफॅक्चरिंग कौन्सिलचे सह-अध्यक्ष होते. शिक्षणासाठी त्यांनी दून स्कूल, डेहरादूनमध्ये शिक्षण घेतले होते आणि नंतर त्या शाळेच्या बोर्डावरही सदस्य म्हणून काम केले.
त्यांचे खासगी आयुष्यही चर्चेत राहिले. त्यांनी प्रथम फॅशन डिझायनर नंदिता महतानी यांच्याशी, नंतर अभिनेत्री करिश्मा कपूरशी विवाह केला. करिश्मा आणि सुंजय यांना दोन मुले – सैमायरा आणि कियान आहेत. २०१६ मध्ये त्यांचा घटस्फोट झाला. त्यानंतर त्यांनी प्रिया सचदेव यांच्याशी विवाह केला.
संजय कपूर यांनी शेवटच्या क्षणी समाजमाध्यमांवरील पोस्ट
निधनाच्या काही तासांपूर्वीच सुंजय कपूर यांनी अहमदाबादमधील एअर इंडिया विमान अपघाताबद्दल शोक व्यक्त करणारी पोस्ट X वर केली होती. “अहमदाबादमधील एअर इंडिया अपघाताची बातमी अत्यंत दुःखद आहे. सर्व प्रभावित कुटुंबांसाठी माझ्या प्रार्थना. या कठीण प्रसंगी त्यांना बळ मिळो,” असे त्यांनी लिहिले होते. दुर्दैवाने, काही क्षणांतच त्यांच्या निधनाची बातमी आली.
सोशल मीडियावर शोक आणि श्रद्धांजली
सुंजय कपूर यांच्या निधनानंतर सोशल मीडियावर शोक व्यक्त करणाऱ्यांची रांग लागली. “आयुष्य किती अनिश्चित आहे,” “अलीकडेच तुम्ही दुसऱ्यांसाठी प्रार्थना करत होतात, आणि आता सर्वजण तुमच्यासाठी प्रार्थना करत आहेत,” अशा प्रतिक्रिया अनेकांनी दिल्या. काहींनी “ते नेहमीच फिट आणि सक्रिय होते, पोलो ग्राउंडवर त्यांना नेहमी पाहायचो” असेही लिहिले.
वैद्यकीय तज्ज्ञांचे मत
हृदयविकार आणि मधमाशीच्या दंशाचा संबंध फारच दुर्मिळ असला तरी, काही लोकांमध्ये अॅलर्जिक प्रतिक्रिया तीव्र स्वरूपात येऊ शकते. विशेषतः मधमाशी गिळल्यास किंवा ती घशात दंश करते, तेव्हा श्वास घेण्यास अडचण, रक्तदाबात घट आणि त्यामुळे हृदयविकाराचा झटका येऊ शकतो. त्यामुळे अशा परिस्थितीत तातडीने वैद्यकीय उपचार मिळणे अत्यावश्यक असते
https://www.instagram.com/policernews
