जरांगे पाटील यांनी सरकारसमोर काही प्रमुख मागण्या ठेवल्या आहेत. जर या मागण्या पूर्ण झाल्या नाहीत तर आंदोलन सुरूच राहील, असे त्यांनी स्पष्ट केले आहे. मनोज जरांगे यांनी केलेल्या मागण्या खालीलप्रमाणे आहेत:
- सगेसोयरे कायद्याची अंमलबजावणी: जरांगे पाटील यांची सर्वात महत्त्वाची मागणी आहे की, ‘सगेसोयरे’ कायद्याची त्वरित अंमलबजावणी करावी.
- आंदोलकांवरील गुन्हे मागे घ्या: आंदोलनादरम्यान आंदोलकांवर दाखल झालेले सर्व गुन्हे त्वरित मागे घ्यावेत.
- आर्थिक मदत आणि सरकारी नोकरी: आंदोलनादरम्यान ज्यांचा मृत्यू झाला, त्यांच्या कुटुंबीयांना तातडीने आर्थिक मदत द्यावी आणि त्यांच्या शैक्षणिक पात्रतेनुसार सरकारी नोकरी द्यावी.
- कुणबी प्रमाणपत्रांचे वाटप: ५८ लाख नोंदी सापडल्या असून, या नोंदींच्या आधारे प्रत्येक ग्रामपंचायतीमध्ये कुणबी प्रमाणपत्रांचे वाटप करण्यात यावे.
- जुने प्रमाणपत्र वैध ठरवा: जे कुणबी प्रमाणपत्र दिले गेले आहेत, त्यांना त्वरित वैध ठरवावे.
जरांगे पाटील यांनी कार्यकर्त्यांना शांततापूर्ण मार्गाने आंदोलन सुरू ठेवण्याचे आवाहन केले आहे. “आम्ही नियमांचे पालन करत शांततेत आंदोलन करत आहोत,” असे त्यांनी म्हटले आहे. त्याचबरोबर, सरकारने कोर्टात जाऊन आंदोलनाला दाबण्याचा प्रयत्न करू नये, असा इशाराही त्यांनी दिला आहे. मराठा आरक्षण मिळवण्यासाठीची ही लढाई आता कायदेशीर आणि राजकीय अशा दोन्ही स्तरांवर सुरू आहे.
Follow Us On
Instagram :
https://www.instagram.com/policernews
X Account :
Read Also
मराठा आंदोलनामुळे मुंबईकडे जाणाऱ्या गाड्यांवर विशेष लक्ष!
