इंडोनेशिया, जगातील सर्वाधिक मुस्लिम लोकसंख्या असलेला देश, निसर्गाच्या कोपाला बळी पडला आहे. सुमात्रा बेटावर भूस्खलनामुळे त्रस्त असलेल्या या प्रदेशाला आज दोन मोठ्या भूकंपांचे धक्के जाणवले. यातील एका भूकंपाची तीव्रता ६.६ रिश्टर स्केल इतकी होती. गेल्या तीन दिवसांत भूस्खलनामुळे सुमात्रा येथे १७ निष्पाप लोकांचा मृत्यू झाला आहे, तर हजारो लोक बेघर झाले आहेत.
भूकंपाचे केंद्र सिनाबंग शहराजवळील सिमुलुए बेटावर होते. पहिला धक्का सकाळी १० वाजता जाणवला आणि त्याची तीव्रता ६.६ रिश्टर स्केल इतकी नोंदवली गेली. दुसरा धक्का दुपारी १२ वाजता जाणवला आणि त्याची तीव्रता ४.४ इतकी होती. भूकंपामुळे झालेल्या नुकसानाचा अधिकृत अहवाल अद्याप इंडोनेशिया सरकारने जारी केलेला नाही. मात्र, यावर्षी इंडोनेशियात जाणवलेला हा सर्वात मोठा भूकंपाचा धक्का असल्याचे सांगण्यात येत आहे.
भूस्खलनामुळे कमीतकमी ४००० हून अधिक घरे उद्ध्वस्त झाली आहेत. अनेक लोक बेघर झाले असून त्यांना तात्पुरत्या मदत छावण्यांमध्ये हलवण्यात आले आहे. इंडोनेशिया सध्या भूस्खलनाच्या मोठ्या संकटाशी झुंज देत आहे. हवामान विभागाच्या माहितीनुसार, सुमात्रा भागात सतत होत असलेल्या मुसळधार पावसामुळे अनेक ठिकाणी भूस्खलनाच्या घटना घडल्या.
अमेरिकेच्या जिओलॉजिकल विभागानुसार, ६.६ तीव्रतेच्या भूकंपाची खोली १६ मैल इतकी होती आणि हे धक्के सुमारे ७ सेकंदांपर्यंत जाणवले. हिंद महासागराच्या किनाऱ्यावर स्थित असलेला इंडोनेशिया दक्षिण पूर्व आशियातील एक महत्त्वाचा देश आहे. जगात सर्वात जास्त १७,००० बेटे असलेला हा देश ‘रिंग ऑफ फायर’च्या पट्ट्यात येतो. यामुळे हा भाग भूकंपांच्या दृष्टीने अत्यंत संवेदनशील मानला जातो. इंडोनेशियाची एकूण लोकसंख्या सुमारे २८ कोटी असून, त्यापैकी ८७ टक्के लोकसंख्या मुस्लिम आहे.
Follow Us On
Instagram :
https://www.instagram.com/policernews
X Account :
Read Also
