29 Nov 2025, Sat

कोल्हापूरच्या धाडसी मुलींनी गाजवली राष्ट्रीय डर्ट ट्रॅक स्पर्धा

राष्ट्रीय डर्ट ट्रॅक स्पर्धा

 कोल्हापूरच्या शांभवी-सुहानीने गाजवली राष्ट्रीय डर्ट ट्रॅक स्पर्धा

कोल्हापूरच्या दोन मुलींनी गोव्यात झालेल्या राष्ट्रीय पातळीवरील डर्ट ट्रॅक स्पर्धेत चमकदार कामगिरी केली आहे. शांभवी राहुल भोसले आणि सुहानी गौरव पाटील यांनी अतिशय धोकादायक असलेल्या बुलेट रायडिंगमध्ये सहभाग घेतला. या स्पर्धेत जीवाची बाजी लावून त्यांनी पदकांची लयलूट केली आणि कोल्हापुरी युवतींची क्षमता देशभर दाखवून दिली.

डर्ट ट्रॅक आणि हिल क्लाइंब रायडिंग ही अतिशय साहसी आणि धोकादायक स्पर्धा आहेत. या स्पर्धेत रस्ता नसलेल्या डोंगरात, चिखल आणि मातीमध्ये दुचाकी चालवावी लागते. यामुळे अपघात झाल्यास हात-पाय मोडणे, मानेला मार लागणे असे धोके असतात. तरीही या दोन्ही स्पर्धेत शांभवी आणि सुहानी यांनी ३५० सीसी बुलेट दुचाकीवरून उत्कृष्ट कामगिरी करून पदक मिळवले.

सुहानी प्रतिभानगरमध्ये राहते. तिचे शिक्षण पूर्ण झाले असून, तिच्या वडिलांकडून रायडिंगचा बाळकडू घेतला. वडील डर्ट ट्रॅकमध्ये नेहमी सहभागी असल्याने सुहानीलाही याची आवड लागली. ती २०१९ पासून डर्ट ट्रॅक स्पर्धेत सहभाग घेत आहे. तिने दीड किलोमीटर रस्ता नसलेल्या डोंगरातील हिल क्लाइंबमध्ये थरारक स्पर्धा जिंकली.

शांभवी कंदलगाव येथे राहते. ती इंटेरिअर डिझायनर म्हणून नोकरी करते. नोकरी करत असताना ती छंद म्हणून रायडिंग करते. शालेय वयातच तिने दुचाकी शिकली. ती २०१९ पासून डर्ट ट्रॅक आणि रेसिंग स्पर्धेत सहभाग घेत आहे. चिखलात जिवघेणी वळणे पार करून तिने गोव्याचा डर्ट ट्रॅक यशस्वीपणे पूर्ण केला आणि पदक मिळवले.

डर्ट ट्रॅक आणि हिल क्लाइंब साहसी स्पर्धा असल्या तरी मुलीही यामध्ये यश मिळवू शकतात. नियमित सराव असेल तर यश मिळते. यामध्ये धोका अधिक असतो, पण थरार अनुभवता येतो. यामध्ये करिअरलाही संधी आहे, असे शांभवी आणि सुहानी सांगतात.


Follow Us On

Instagram :     

https://www.instagram.com/policernews

X Account :      

Tweets by PolicerNews

Read Also

महाराष्ट्र

Leave a Reply

Your email address will not be published. Required fields are marked *