उत्तर प्रदेशातील अलीगढ जिल्ह्यात एका २८ वर्षीय महिला पोलीस कॉन्स्टेबलचा संशयास्पद मृत्यू झाल्याने खळबळ माजली आहे. महिला कॉन्स्टेबल हेमलता यांचा मृतदेह भाड्याच्या खोलीत लटकलेल्या अवस्थेत सापडला. पोलिसांनी सुरुवातीला आत्महत्येचा दावा केला, पण कुटुंबियांनी मुलीच्या मृत्यूवर प्रश्नचिन्ह उपस्थित केले आहे. त्यांनी मुलीची हत्या झाल्याचा दावा केला आहे.
हेमलता बन्नादेवी परिसरात भाड्याच्या खोलीत राहत होती. शनिवारी तिचा मृतदेह खोलीत आढळला. या घटनेनंतर पोलीस आणि तिच्या कुटुंबियांनी वेगवेगळे दावे केले आहेत. हेमलताचे वडील करमवीर सिंह आग्राच्या बैमन गावात शेती करतात. मुलीच्या अंत्यसंस्कारानंतर वडिलांनी मोठा दावा केला आहे. त्यांनी म्हटले की, माझी मुलगी टोकाचे पाऊल उचलू शकत नाही, हेमलताचा आधी गळा दाबला आणि त्यानंतर तिला फासावर लटकवले जेणेकरून तिने गळफास घेतल्याचं वाटेल. ती मानसिकरित्या मजबूत होती असं तिच्या वडिलांनी दावा केला. पोलिसांनी मात्र अद्याप कुठलीही लेखी तक्रार मिळाली नाही असं म्हटलं आहे.
हेमलता ज्या खोलीत भाड्याने राहत होती, तिथे लटकलेल्या अवस्थेत तिचा मृतदेह सापडला. जेव्हा पोलीस घटनास्थळी पोहचले तेव्हा खोलीतला दरवाजा आतून बंद होता. प्राथमिकदृष्ट्या तिने आत्महत्या केल्याचा अंदाज पोलिसांनी वर्तवला, पण तिच्या कुटुंबाने केलेल्या दाव्यानंतर प्रकरण गंभीर बनले आहे. हेमलताच्या मृत्यूची कल्पना पोलिसांना तिच्या मित्राने दिली. त्या मित्राने हेमलताचा व्हॉट्सअॅप स्टेटस पाहिला, ज्यात तिने आत्महत्या करणार असल्याचं लिहिले होते. हा स्टेटस पाहून त्याने तात्काळ पोलिसांना अलर्ट केले. सूचना मिळताच पोलीस घटनास्थळी पोहचले आणि दरवाजा तोडून आत घुसले. त्यावेळी हेमलताचा मृतदेह लटकलेल्या अवस्थेत सापडला. मात्र वडिलांनी मुलीच्या व्हॉट्सअॅप स्टेटसवरही संशय व्यक्त केला आहे.
पोलीस जेव्हा पोहचले तेव्हा घरातील दरवाजा आतून बंद होता, व्हॉट्सअॅपवर तिने लिहिलेल्या पोस्टमुळे हे प्रकरण आत्महत्येचं असल्याचं दिसून येते. पोलीस त्याच आधारे पुढील तपास करत आहेत. मात्र मृत मुलीच्या वडिलांनी ती मानसिकरित्या मजबूत होती, कुठल्याही परिस्थितीत ती हे पाऊल उचलू शकत नाही असा दावा केला आहे. याबाबत लिखित तक्रार मिळाल्यानंतर योग्य तो तपास करून निष्कर्ष काढला जाईल अशी माहिती डिआयजी प्रभाकर चौधरी यांनी दिली.
घटनेनंतर परिसरात खळबळ माजली. वडिलांनी आत्महत्येच्या दाव्यावर संशय व्यक्त केला. पोलिसांनी व्हॉट्सअॅप स्टेटसच्या आधारे आत्महत्येचा तपास सुरू केला आहे. तपासाचे निष्कर्ष येण्यापर्यंत या प्रकरणात अनेक प्रश्नचिन्ह आहेत.
हा प्रकरण आत्महत्या की हत्या याच्या चर्चेला उधाण देत आहे. व्हॉट्सअॅप स्टेटसच्या आधारे आत्महत्येचा तपास सुरू आहे. पोस्टमार्टम रिपोर्ट येण्यापर्यंत या प्रकरणात अनेक प्रश्नचिन्ह आहेत. कुटुंबियांच्या दाव्यांची दखल घेऊन योग्य तपास करणे आवश्यक आहे.
Follow Us On
Instagram :
https://www.instagram.com/policernews
X Account :
Read Also
