मुंबई शहरात दिवसाला चार ते पाच मुली बेपत्ता होत आहेत, अशी धक्कादायक माहिती मुंबई पोलिसांकडून मिळत आहे. गेल्या दहा महिन्यांत अल्पवयीन मुलींच्या अपहरणाचे १,१८७ गुन्हे नोंदवले गेले आहेत. यापैकी १,११८ गुन्ह्यांची उकल झाली असून, इतर प्रकरणांचा तपास सुरू आहे. आर्थिक राजधानी मुंबईसारख्या शहरात अशा घटनांमुळे मुलींच्या सुरक्षेचा प्रश्न पुन्हा ऐरणीवर आला आहे.
अपहरणाची आकडेवारी आणि प्रकरणांची वाढ
मुंबई पोलिसांच्या जानेवारी ते ऑक्टोबरपर्यंतच्या आकडेवारीनुसार, मुंबईत महिलांसंबंधित ५,८८६ गुन्हे नोंदवले गेले आहेत. त्यापैकी ५,५६१ गुन्ह्यांचा उलगडा झाला. यामध्ये १,०२५ बलात्काराच्या गुन्ह्यांत अल्पवयीन मुलींचा समावेश आहे. अल्पवयीन मुलींच्या अपहरणाचे १,१८७ गुन्हे नोंदवले गेले आहेत, तर तपास सुरू आहे. जानेवारी महिन्यात १२६ गुन्हे नोंदवले गेले होते. मार्च, ऑगस्ट आणि ऑक्टोबरमध्ये हा आकडा १३६ च्या वर गेला आहे. नोव्हेंबर आणि डिसेंबरपर्यंतही गुन्ह्यांचा आकडा शंभरी पार केला आहे.
पोलिसांची कारवाई आणि तपास
मुंबई पोलिसांनी अल्पवयीन मुलांसंबंधित गुन्ह्यांत तत्काळ दखल घेऊन गुन्हे नोंदवून कारवाई करण्यास सुरुवात केली आहे. सीसीटीव्ही फुटेज, मोबाइल ट्रॅकिंग आणि स्थानिक माहितीच्या आधारे बेपत्ती मुलींचा तपास सुरू आहे. मात्र, दर महिन्याला नव्या तक्रारींमध्ये होणारी वाढ पोलिसांच्या चिंता वाढवणारी आहे.
आई-वडिलांची जबाबदारी आणि सुरक्षा
पोलिसांनी सांगितले की, अनेक प्रकरणांमध्ये अल्पवयीन मुली मित्रांसोबत निघून जातात किंवा प्रेम प्रकरणांमुळे घर सोडतात. काही प्रकरणांमध्ये मानवी तस्करीसह अन्य गुन्हे देखील दिसून आले आहेत. पालकांनी मुली अचानक गायब झाल्या तर विलंब न करता पोलीस तक्रार दाखल करावी. ही आपली जबाबदारी आहे.
मुंबईत अल्पवयीन मुलींच्या अपहरणाच्या घटनांमध्ये वाढ झाल्यामुळे शहरातील नागरिकांमध्ये भीती आणि चिंता वाढली आहे. या घटनांमुळे पालकांना आपल्या मुलींच्या सुरक्षेबाबत अधिक जागरूक राहण्याची गरज आहे. पोलिसांनी सुरक्षा व्यवस्था वाढवण्यासाठी नियमित पेट्रोलिंग, सीसीटीव्ही कॅमेरे लावणे आणि स्थानिक समुदायाशी सहकार्य करण्याची आवश्यकता असल्याचे स्पष्ट केले आहे.
समाजाची जबाबदारी
समाजाच्या प्रत्येक सदस्याला या समस्येची जाणीव असणे आवश्यक आहे. शाळा, महाविद्यालये, स्थानिक गट आणि नागरिकांनी मिळून सुरक्षित वातावरण निर्माण करण्यासाठी प्रयत्न केले पाहिजेत. शैक्षणिक संस्थांनी मुलींना सुरक्षिततेबाबत जागरूक करण्यासाठी वर्ग, कार्यशाळा आणि मार्गदर्शन कार्यक्रम आयोजित करावेत.
भविष्यातील उपाय
पोलिस आणि प्रशासनाने अपहरणाच्या घटनांवर लक्ष देऊन वेगवान तपास आणि कारवाई करण्याचे आश्वासन दिले आहे. शहरातील प्रत्येक भागात सुरक्षा व्यवस्था आणखी बळकट करण्यासाठी तांत्रिक उपाय आणि नागरिक सहभाग यावर भर दिला जात आहे. भविष्यात अशा घटना टाळण्यासाठी समाजाच्या सहकार्याने व्यापक उपाययोजना करणे गरजेचे आहे.
Follow Us On
Read Also
