सांगली जिल्ह्यातील पलूस येथील एसटी वाहक अशोक कदम यांचा मुलगा प्रजित कदम याने शिक्षणाच्या जोरावर एलॉन मस्क यांच्या कंपनीत नोकरी मिळवली आहे. प्रजितने कोल्हापूर येथील डी.वाय. पाटील इंजिनिअरिंग महाविद्यालयातून केमिकल इंजिनिअरिंगची डिग्री घेतली. त्यानंतर त्याने अमेरिकेतील मिशिगन विद्यापीठात मास्टर ऑफ सायन्स (एम.एस.) केले. यासाठी त्याला एसटी महामंडळाच्या परदेशी शिक्षण अग्रीम योजनेचा लाभ मिळाला. या योजनेतून त्याला १० लाख रुपयांचे अर्थसहाय्य मिळाले.
प्रजितने तीन महिन्यांपूर्वी कॅलिफोर्नियातील एलॉन मस्क यांच्या कंपनीत रूजू झाला आहे. त्याची कंपनी स्पेस एक्स या खासगी अंतराळात यान पाठविणाऱ्या कंपनीला आणि इलेक्ट्रिक वाहनांना लागणाऱ्या बॅटरीचे उत्पादन करते. या कंपनीत तो केमिकल इंजिनिअर म्हणून कार्यरत आहे.
परदेशी शिक्षण अग्रीम योजना
महाराष्ट्र राज्य मार्ग परिवहन महामंडळाने २०२३ पासून आपल्या अधिकारी व कर्मचाऱ्यांच्या मुलांना परदेशात शिक्षण घेण्यासाठी परदेशी शिक्षण अग्रीम योजना सुरू केली आहे. या योजनेतून कर्मचाऱ्यांच्या मुलांना १० लाख रुपयांपर्यंतची रक्कम आगाऊ दिली जाते. ही रक्कम १२० महिन्यात हप्त्याने फेडली जाते. या रकमेवर कोणतेही व्याज आकारले जात नाही. या योजनेमुळे एसटी कर्मचाऱ्यांची मुले परदेशी शिक्षण घेऊन स्वत:ची व आपल्या कुटुंबाची प्रगती साधत आहेत.
इतर यशस्वी उदाहरणे
या योजनेचा लाभ घेऊन ईश्वरपूर डेपोतील सहायक पदावर कार्यरत असणारे सतीश कोळी यांनी त्यांचा मुलगा प्रणव याला एमबीबीएस साठी रशियाला पाठवले. त्याला एसटीने ९ लाख रुपयांचे अर्थसहाय्य केले.
प्रजितच्या वडील अशोक कदम हे शेतकरी कुटुंबातील असून एसटीच्या पलूस डेपोत वाहक म्हणून कार्यरत आहेत. त्यांनी अत्यंत कष्टाने प्रजितचे उच्च शिक्षण पूर्ण केले. प्रजितने हुशारी आणि जिद्दीच्या जोरावर एलॉन मस्क यांच्या कंपनीत नोकरी मिळवली. यामुळे त्याने कुटुंबासह सांगली जिल्ह्याचे नाव उंचावले आहे.
Follow Us On
Read Also
